Rempah Noodles

营业中

休息中

一直都好想试呢间店，今日终于有机会同朋友嚟食下。虽然系闲日，但一去到已经见到好多人排队，等左大概30分钟先入到座。餐牌唔系好多选择，我地每人叫咗个叻沙面（$98）同埋一份咖央多士（$38），啲嘢食都好快嚟到。咖央多士见到好多人嚟都有试呢个多士，自己都叫咗份试吓。咖央多士一件开左4份，同朋友share 都好方便。多士外脆内软，夹住好厚嘅咖央酱，食落去嘅口感好幼滑，仲有椰香味，真系唔错。叻沙面个汤底好浓郁，好香嘅椰奶味，但唔系好辣。油面好滑，挂到啲汁。另外，碗面啲配料好丰富，有虾，豆卜，鱼蛋，蛋。啲豆卜吸晒啲汁，特别好味；同埋啲鱼蛋都好弹牙！整体唔错，服务都好好，有机会都会再嚟。