Hot Pot 熱‧海鮮火鍋私房菜 (已結業)

佐敦隐世楼上火锅店，今次呢间火锅开到凌晨两点，非常适合上去同同事饮杯嘢嘅地方。讲一讲餐厅嘅环境先。见到我哋坐咗一间四人枱空间都非常之阔落。服务亦都好好今次我哋叫咗个二人餐拣咗一个特色嘅龙虾汤底，汤底有惊喜原只龙虾上汤底浓郁基本上唔使点样用其他嘅豉油去配搭。二人餐包括咗一碟肥牛，小小配菜包括有墨鱼丸，水饺，炸鱼皮，同埋蔬菜配料。佢仲送两杯饮品添，我哋叫咗杯芒果沙冰同埋蜜桃沙冰，非常之大杯。真系可以饮足成晚，打边炉最啱嘅就系一杯冰冻嘅饮品。佢啲肥牛都非常之靓，好食过出边任食𠮶啲好多，材料亦都好新鲜，龙虾特别出色爽又多肉。有时觉得如果出去食任食嘅火锅，倒不如食呢一间价钱亦都差唔多，但系食物质素好好多，唔使特登食到自己太饱。食物份量亦都很充足，环境又好舒服，好推荐食牛肉🤤