娘惹廚房 (已結業)

星期日游完水，见仲早无乜人排队，就去咗娘惹厨房试下。印尼菜第一次食，望住餐牌都无乜头绪。见到个2人餐就试下佢啦。套餐选择唔多，叫啲未食过嘅啦加多加多沙律，有蛋，虾片，芽菜，豆角，椰菜，豆卜，薯仔，青瓜同个秘制酱汁。个酱汁几醒胃，酸酸甜甜有啲花生酱味。串烧叫咗猪鸡双拼，略嫌唔够热。应该都系烧好一大堆，落单再翻热。我最期待嘅巴东牛肉，牛肉好𣺉，至于味道真系唔识形容，应该系啲香料嚟，但系好食嘅，个汁送饭一流。印尼炒饭，略嫌油咗啲，同埋啲饭一旧旧，未炒开，可能印尼style挂。印尼咖啡同珍多冰。珍多冰同平时泰国餐厅啲唔同，超甜，杯底啲唔知咩嚟呢？