麥當勞

营业中

休息中

有时就系咁，有得食既时候，又唔系特别想食，想食果阵，就唔系停左就系坏机。食呢杯抹茶脆皮新地，都行左几间M记先食到。不过，今次呢杯既质素都叫符合番个期待值。整雪糕个姐姐仔都算整得唔错，雪糕唧得够多，个shape都唔错，个脆皮都沾得够多又均衡。至于味道呢，佢个脆皮同埋个雪糕既抹茶味都比想像中做得好，食落唔会过甜，系有种几香既抹茶味。而且就算雪糕拣左云尼拿同抹茶各半都好，抹茶味都冇俾奶味盖过左。口感就唔洗点讲，个脆皮一整好，等一等等佢凝固左之后，好难唔好食。呢个价钱，有呢个质素既脆皮抹茶雪糕，都真系算抵食。跟手食多个孖芝餐，包就正常好食，溶左既芝士、两层牛肉、酸瓜加酱、加软熟既包，只要系够热去整溶d芝士就会好食。虽然先食雪糕系好似调转左个顺序，但个孖芝都未食到几啖，雪糕枱就落闸收档。想食，有得食既话，都系食左先好。