影片
更多
2018-03-27
41 浏览
之前喺铜锣湾返工想试吓时已经发现已经搬咗去太子，刚好今日同朋友夜D去太子饮嘢，上网揾过原来开咗喺酒吧街附近，终于可以一试！好多拉面店仲系用紧纸笔嘅方式落单，呢度已经用平板电脑落，按食物位置仲有各种拉面嘅简介，真系好方便！店入面仲有提供一人座位，好有日本feel~朋友点咗太极拉面，已经比上面嘅蟹膏金箔吸引咗~汤底用墨鱼汁混猪骨汤制成，味道唔太咸好清，有墨鱼鲜味，配以半肥瘦嘅叉烧同溏心蛋，唔会太肥腻! 面质方面佢拣咗中，有弹性所以好有咬感，而佢边食边不停饮汤，最后竟然饮晒😂而我就叫咗青龙拉面，即系菠菜汁配猪骨汤，睇落好似健康D，上枱时先饮啖汤真系好清，完全无草味！由于所有汤底表明无加味精，所以食完完全无口干！(小插曲: 影完相望返选相发现唔见咗只蛋，同店员提及返，都好友善咁补返比我)溏心蛋真系好有浓郁嘅蛋味，劲满足！八爪鱼波波刚炸起十分脆，食落肉质都好弹牙！因为我同朋友比较钟意食菜，于是每人一碟支豆唔洗争~ 支豆好爽配上少少盐简直一流！可以中和刚食完拉面嘅口感~
之前喺铜锣湾返工想试吓时已经发现已经搬咗去太子，刚好今日同朋友夜D去太子饮嘢，上网揾过原来开咗喺酒吧街附近，终于可以一试！
好多拉面店仲系用紧纸笔嘅方式落单，呢度已经用平板电脑落，按食物位置仲有各种拉面嘅简介，真系好方便！
店入面仲有提供一人座位，好有日本feel~
朋友点咗太极拉面，已经比上面嘅蟹膏金箔吸引咗~汤底用墨鱼汁混猪骨汤制成，味道唔太咸好清，有墨鱼鲜味，配以半肥瘦嘅叉烧同溏心蛋，唔会太肥腻! 面质方面佢拣咗中，有弹性所以好有咬感，而佢边食边不停饮汤，最后竟然饮晒😂
而我就叫咗青龙拉面，即系菠菜汁配猪骨汤，睇落好似健康D，上枱时先饮啖汤真系好清，完全无草味！由于所有汤底表明无加味精，所以食完完全无口干！(小插曲: 影完相望返选相发现唔见咗只蛋，同店员提及返，都好友善咁补返比我)溏心蛋真系好有浓郁嘅蛋味，劲满足！
八爪鱼波波刚炸起十分脆，食落肉质都好弹牙！
因为我同朋友比较钟意食菜，于是每人一碟支豆唔洗争~ 支豆好爽配上少少盐简直一流！可以中和刚食完拉面嘅口感~
张贴
