廣島沾麵本舖爆彈屋 (已結業)

是日终于趁早一点来吃「晚饭」，由于上一次友人带我来，但因为店内的位置相当少，所以失望而回。直到今日终于成功试到！就试一试广岛沾面，由于分level 1-200，我地问店员，正常人是点level几？佢答话5-10，但最高系level 200.....到底系点食呢？由于今时唔同往日，我都稳稳阵阵点level 10食算了。因为觉得唔够辣可以后加。另外叫左两只生蚝，一个生牛肉同两杯highball（系日本食野系必叫），不过日本系可以另外加梅味同好多味易入口d。生蚝都肥美同creamy既，生牛肉好惊喜又几好食㖞！不过份量少左d, 得6、7小片但都要七十几蚊。到左面喇！先讲个汁，落左大量既芝麻，所以每次沾既时候都会连埋好多芝麻一齐食，都几特别同香口。不过叉烧就流左少少，又干又薄同无咬口🤦🏻‍♂️ 另外加左只玉子，唔加既话d配菜都真系争左d! Level 10初初食既时候唔觉辣，点知越食越辣！辣到出晒汗不过好刺激！所以大家唔系太食得辣又想试真d个味都系叫返level 5-8左右好喇。