良辰吉時 (已結業)

好记得e间台式饮品店刚刚开张嘅时候，果条长龙直头排到出去大马路，打几个蛇饼，讲真当时都好想一试啦，但系就真系唔想等，直到有间x虎堂开左之后，生意俾人抢左好多，系啦，机会黎啦！果晚泊低左架车之后，见到都无人排队之后就买左杯o波爆黑糖厚鲜奶啦，见到佢地都系用d靓料，用日本明治鲜奶，但系感觉上卫生意识就差少少，见到佢几包开左嘅鲜奶就咁放系度，正常系应该雪住佢啦！咁等阵一阵，冲好啦，试下先啦！黑糖珍珠都几烟韧，好有口感，而且都好重黑糖味，唔错唔错，但系杯奶整体上就淡味左d, 奶味都唔够，感觉上系黑糖加水，36蚊一杯咁嘅野就真系期望过高啦，唔怪得之隔离果间咁旺啦！下次都系试下隔离果间先！