大快活 (大埔超級城E區)

营业中

休息中

去以过唔同分店堂食焗猪扒饭，每次个饭都系用即弃钖纸餐盒载住，要揭起块纸盖先见到盒饭靓唔靓，同外卖返公司食冇咩分别。以为身处舖头食外卖成为常态喇，今日喺度食的焗猪，竟然有焗。兜。载。住。未食先开心，咁至系堂食吖嘛。虽然叫焗饭，但丁点㶶的焗痕都冇，唔好谂多咗个饭有芝士。猪扒系最钟意的有骨扒，腍身易砌，腌得入味，正常 size；炒饭底，饭粒软硬适中，唔系干争争，入面的炒蛋份量系历来之冠；番茄汁走清新路线，夹埋猪扒食互补长短，如果加返两三粒车厘茄喺面，成个饭会更出色。食埋由椰菜、豆角、红萝卜、菰组成的蔬菜碗，坚饱。望住空空如也的焗兜，希望同你后会有期。