台灣小倆口三文治 (已結業)

由佢开张到今日，每次做完gym经过，唔系落闸就系老板埋紧数，今日竟然比我见佢仲有个类似客既人，我即刻厚面皮咁问仲有冇得买野食，正因为老板一句欲罢不能令我太感动，即叫左个肉松蛋饼，其实我每种蛋饼都想食.........等成品其间同老板娘讲我都系岩岩做完gym，佢就话好多人都系咁，佢话蛋饼健康，做完运动食都唔怕，不过我系打算第二朝做早餐架，老板就话都一样好食，不过肉松就唔会脆口，我唔会介意架，最重要系我终于都食到蛋饼，老板系整既时间同我倾计，仲话如果我听日都黎可以食到新产品，我知佢会睇呢度食评，系度先讲听日我无缘去食喇.......最后都忍唔住搭车时食左一件，都几淡，就算加埋肉松都只系有好好好少咸味，对于我黎讲加埋佢d酱就好好味喇，好想有下次呀