石磨樂豆 (啟德零售館1)

营业中

休息中

之前喺九龙湾德福已经食过呢间，留下深刻的印象，今次发现原来九龙城启德承启道启德体育园启德零售馆12楼美食广场food court入面都有呢间，就即刻过嚟睇吓。呢度周不时都会有季节或者期间限定嘅款式，例如咸蛋黄碎蛋吐司、蝶豆花茉莉豆乳冻、川贝枇杷膏豆腐花等等真系好多选择，而饮品方便亦都由热饮供应，啱晒秋冬季节饮，就算晏昼行过嚟都可以大把选择！今日要左个咖喱鸡肉吐司 $35，即叫即做，相当新鲜，而且内馅都好多，好饱满，吐司外面会烤得好香脆！因为今日返到公司之后要开会，所以预早帮自己叫定下午茶，就系要过黑白芝麻豆腐花 $28，真系超大碗，食落去好滑，好香豆味，黑芝麻更加系好浓郁。最后都叫咗两杯嘢饮，一杯俾自己，一杯俾同事，我自己就要咗焙茶豆乳 $35，两个味道唔会互相抢咗大家嘅风头，都几搭。同事都话佢个杯抹茶红豆小丸子豆乳 $48 好出色，小丸子嘅口感都好好！