影片
更多
2023-03-12
2437 浏览
最近试了一家米芝连推介的餐厅「大围小馆」，之前佢系大围时已经想试好耐，不过好远一直懒得去试，而家开左黎元朗即刻同屋企人去一试！内里环境唔算好大，不过坐位空间好阔落，唔会好挤迫听闻佢地有好多失传功夫菜可以食到，但始终第一次去食唔敢太冒险，所以叫左D基本野黎试下先！职员介绍我地饮呢款茶叫做凤凰单欉，饮落有水果香，好清新茶味，唔会好苦果种，系一款好易入口甘香嘅茶！首先上左一壶汤【日月鱼淮杞元肉鸡汤】 HK$208超大壶，足够有7-8碗份量咁多，一D都唔少！饮落个汤超鲜味，好重元贝类海鲜味，仲有鲜鸡甜味，真系好足料好好饮！汤同汤渣仲会分开上，保证成煲都系汤水劲足料！里面有好多日月鱼，即系深海贝类，我系大澳见过好贵架，呢煲汤里面落左劲多，真心好抵饮！而且食落D日月鱼好鲜味！好似食紧矶烧元贝咁，好好食！之后上左我地点嘅当店招牌菜【勾魂叉烧】HK$188/5件睇价钱+睇食评时，我心谂：188得果5粒仔叉烧，好贵唧！点知原来黎到实物果「5粒」叉烧原来件年都成个拳头咁大！职员会系叉烧上面涂上凤梨酱，加强佢嘅香甜味道，好清新呀！之后仲会用火枪烧一烧表面，令佢收干水份，令到凤梨味更浓郁！最后会沾上底下的脆米
内里环境唔算好大，不过坐位空间好阔落，唔会好挤迫
听闻佢地有好多失传功夫菜可以食到，但始终第一次去食唔敢太冒险，所以叫左D基本野黎试下先！
职员介绍我地饮呢款茶叫做凤凰单欉，饮落有水果香，好清新茶味，唔会好苦果种，系一款好易入口甘香嘅茶！
首先上左一壶汤
【日月鱼淮杞元肉鸡汤】 HK$208
超大壶，足够有7-8碗份量咁多，一D都唔少！
饮落个汤超鲜味，好重元贝类海鲜味，仲有鲜鸡甜味，真系好足料好好饮！
汤同汤渣仲会分开上，保证成煲都系汤水劲足料！
里面有好多日月鱼，即系深海贝类，我系大澳见过好贵架，呢煲汤里面落左劲多，真心好抵饮！而且食落D日月鱼好鲜味！好似食紧矶烧元贝咁，好好食！
之后上左我地点嘅当店招牌菜
【勾魂叉烧】HK$188/5件
睇价钱+睇食评时，我心谂：188得果5粒仔叉烧，好贵唧！点知原来黎到实物果「5粒」叉烧原来件年都成个拳头咁大！
职员会系叉烧上面涂上凤梨酱，加强佢嘅香甜味道，好清新呀！
之后仲会用火枪烧一烧表面，令佢收干水份，令到凤梨味更浓郁！
最后会沾上底下的脆米，寓意有米有米，食中菜嘅人果然好迷信！食个叉烧都要咁好意头！
叉烧用上梅头肉部份，肥瘦均匀，咬落去每啖都系松软，好多油脂咇出黎，真系好鬼好食，不过怕肥嘅我食左一旧就收手。
然后又到左另一款小菜
【桂花一缕香】HK$258
桂花一缕香原本系满汉全席四中碗之一的「炒桂花翅」，但职员话而家环保概念所以转左用干瑶柱炒顶替鱼翅，爆炒到干瑶柱及鸡蛋干身散开，型似桂花，但我由于唔识野，一心以为碟小菜有桂花成份，哈哈哈哈。
味道方面就系干瑶柱芽菜炒蛋，由于原来无桂花成份，系想像中有落差。
然后仲有半只豉油鸡
【大孖豉油鲜鸡】HK$248
我呢排好钟意周围试豉油鸡，觉得整得好食系好难嘅，所以亦都问左佢呢款豉油鸡有咩来头，原来佢系用左本土七十年老字号大孖酱园的豉油及老抽制作，鸡皮充满豉油香，咸香带点，好好味！
鸡肉都系本地农埸无激素新鲜鸡，真系好嫩滑好好食！不过佢地肉就比较薄，无美国鸡咁肥大肉厚，所以真系睇得出系无激素好天然！
【陈皮榄角骨】HK$258
之后仲有黎到重头戏，蟹肉蒸饭！
【蒜香姜米笼仔蒸蟹饭】HK$368
佢地职员话呢道蒸蟹饭，系会视乎季节选蟹，海肉蟹、海膏蟹或海奄仔蟹都会时令形式挑款，每次都系以当造嘅蟹黎蒸饭。
饭底指定选用金凤米，然后加上姜米、蛋白及蟹膏先炒后蒸，上台时个笼系超巨大差不多有12寸，再有超巨大只蟹系饭面，好震撼。
职员起笼时会将蟹壳分开放回碟上，方便我地享用，真细心。
个蟹壳仲连住D蟹膏，真系不得了。
连米饭上面都有蟹膏，真系好正好丰富呀！
叫到一台都系野，4位享用刚刚好，但埋单要成1665，人均消费HK$410，值唔值真系见人见志。
我觉得当中有70%食物都系高质，例如蟹肉蒸饭 / 大孖豉油鸡/ 勾魂叉烧，全部都系有80分以上。有30%食物就一般般唔会再叫，榄角骨平平无奇；桂花一缕香呢个其实主要成份系芽菜炒蛋，但要价258，我觉得系巧手工，但唔见得味道好精彩。
而100%必试系个汤！真系好好饮！我谂我闲来无事都可能会入去饮呢个汤，平靓正份量够多，超好味！
最后送上糖水渣渣，几好食，但已经好饱，所以感觉上只系正常发挥。
张贴
