鳩砌

营业中

休息中

其实餐厅位置唔算隐蔽，反而对正大街，不过门面细细，唔讲未必觉，好容易就会错过咗好好食嘅汉堡😹记得有次想食，但后尾先发觉𠮶日系开夜晚，最后唯有去咗附近食另一间burger。早两日落雨，谂唔到食咩，最后终于买左外卖自取。唔睇清楚都唔知，原来呢度嘅汉堡系猪肉，好似系冇牛肉拣嘅。最后拣咗两个芝士汉堡，其中一个系加咗鸡髀菇。外卖嘅包装可能可以改善。因为冇个盒之类装住，其实只系大概10分钟到路程，个包始终系即整，热辣辣，焗到个包有啲水气，同迫咗啲油份出嚟。我估如果即刻食个包应该系几香同有几分脆口！！不过好彩汉堡同埋其他材料都唔错，好钟意佢仲系好热，唔似普通连锁快餐店已经整好晒，冇乜香气。佢嘅芝士真系用咗喺汉堡度，而鸡髀菇亦都真系炒/煎得几香！整体来讲，都真系几满意。可能下次拎走嘅时候唔绑实，希望减少啲水气啦🤣或者如果可以改一改良下个外卖包装就好啦。