民聲冰室 (裝修中)

话说人夫𠮶日系跑马地揾外快，咁我又好有兴致话去大坑潮圣，但因为要等位又肚饿，醒起我仲未试肉饼山饭，咁就走咗去民声啦~我哋分别叫咗「咸蛋肉饼饭」同埋「蒜蓉豉油猪扒饭」。咸蛋肉饼饭：推荐，系我喜欢既味道。平时系屋企有蒸肉饼，基本上其他𩠌都唔需要预我。真系成座山咁，肉质鲜味配埋白饭一流。真系食到停唔到口。蒜蓉豉油猪扒饭：熟度刚刚好，唔会太「鞋」口。不过酱汁少咗啲。呢度系集地道、人情味、怀旧气息于一身。食饱行返出去坐巴士又可以帮助消化。所以系encore饭店之一。