倆口小吃 (已結業)

今日经过附近，捻起人气店俩口小吃，开业至今都未食到过，因为次次经过都排长龙。捻住今日系平日又咁桥铺头仲有15分钟就开店，就去望望，前面都有2-3位食客等紧开门。一场黎到，当然系叫晒每款食物试下，名物刈包有一款传统几款新式既，本身觉得新式好吸引好想试，但系都系想试下传统款有咩咁吸引先，刈包可以加钱跟餐配蕃薯条同饮品就一并试埋。压饼方面，本身想试芋泥肉松，但原来今日系无，所以就叫左四式芝士。最后埋单刚好100蚊，需要等15分钟先可以拎。拎到后都最快速度返去食食左压饼先，都仲有DD热度，拉到丝，但系芝士味觉得唔算好浓（我系芝士控），如果冻左D食，食多阵会觉得腻，唔算好吸引，下次有机会会食其他味道。以前返内地有食过刈包，对呢样食物都有D印象，所以对呢个刈包好有期望。真系好好食，整个包比想像中大同厚， 包皮松软，比一般食到既刈包包皮厚，食落去有甜味，似食紧一个好食既馒头，配上内里既五花卤肉、酸菜、莞茜、花生碎同柚子酱，好正。五花卤肉做到入口即融，下面夹既酸菜同柚子酱令到无左腩肉既肥腻，一口接一口，好快就食晒十分推荐。跟餐既梅子粉蕃薯条分量多，够热，外少少酥脆，入面系软糯既蕃薯泥，觉得几好食，不过