幸福班戟 (新城市廣場) (已結業)

好多时经过幸福班戟门口，见都有人排队等位，好想食好耐，今日放工约左朋友交收顺便提意坐低兼饮杯， 最终比我有机会食到兼唔使排队，做晒基本疫情要求后，自助揾位睇下Menu拣定去Cashier Order同付款，倾下计等左一阵，即叫即制需要时间系可以接受嘅。终于上枱暖粒粒，卖相也讨好，第一次我更系叫幸福班戟基本野$84 , 味道松软淡淡蛋香配埋蜜糖芝士Cream, 好滑好夹好轻盈唔会漏。朋友佢就话想试芝士慕丝蓝梅酱班戟$102, 卖相更吸引，鲜忌廉芝士慕丝好滑微甜蓝梅酱再有层次，基本班戟已经好味陪酱就锦上添花。其实班戟咸同甜都可选择，下次必试埋咸，选择不少。