雄記美食

营业中

休息中

雄记美食，久仰大名，但系因为营业时间短（甚至飘忽😂），所以一直冇机会试。月头要去湾仔搞文件，搞完揾嘢食，第一时间就自然谂起呢度。去到门口见到条人龙，犹豫咗两秒，最后都系决定排，因为如果唔坚持，唔知几时再有机会食。好彩唔使等好耐就有位。一睇 menu，二话不说就叫咗咖哩牛腩捞通再加支腐竹糖水。咖哩汁香浓，拣咗少辣，刚刚好，牛腩切成细细粒，容易挂汁，配又系容易挂汁嘅坑纹通粉食，滋味非常。腐竹糖水支装上，几特别，唔太甜，腐竹味都算浓，好饮。意犹未尽，想叫多份鸡蛋煎虾米肠粉，点知阿姐话冇得加单，可想而知呢度嘅客人流转速率有几快。唯有希望下次再嚟。