醒辰冰室 (東匯坊)

营业中

休息中

食左好多次醒辰冰室下午茶，复活节放假，终于食到醒辰冰室早餐。大约十点半黎到，自己一个当然识行去后面望墙的单人座位。早餐都有几多选择，有中有西，价钱都非常街坊价。醒辰冰室落单，尤其见到果个呀叔侍应，记得要讲英文加数字。虽然佢系唔会用手写低，但睇黎每次都落啱。今次我就试A4沙嗲牛肉公仔面加热奶茶少奶。份量刚刚好，女士食都有机会食唔晒！仲有呀，呢种杯保温真系好劲，我本身都好饮到热野，但呢款杯，我食晒食物先饮都觉得非常热！如果赶时间的话就好难入口了！出去埋单比钱时，瞄到原来佢地有全英文餐单！都几细心！我最欣赏都系坐得舒服，整体黎讲好安静，呢度啲人倾偈声音唔会大。