魚屋

营业中

休息中

每次经过都见到好多人等，我呢啲无耐性嘅人当然唔会趁墟啦🤗遇著今日个appointment临时reschedule咗，所以一于去食个early lunch，果然早啲去系唔需要排队，仲可以自己拣位坐🙂睇咗一轮餐牌，最后拣咗豪华北海丼，一于豪食：)唔驶等好耐，大大碗嘅豪华北海丼就送到我面前喇，卖相好吸引，三文鱼籽好大粒，一放入口一咬开啲三文鱼子籽汁就爆晒出嚟，正，三文鱼好大块，好多脂肪，不过比我想像中个味无咁鲜，口感系唔错但系唔知点解好似无乜三文鱼味🤔赤虾就好正喇，大大只，又肥美，仲好鲜甜tim！蟹棒就不过不失啦，系啲蟹膏有少少咸！整体嚟讲，我觉得呢个豪华北海丼合格有余，喺香港嚟讲算系有水准，每款鱼生都算好新鲜！另外，仲有个三文鱼味噌汤，个味噌汤好足料，一啲都唔咸，个汤其实都几鲜味，不过入面有好多鱼骨，所以都几影响观感！