雄記美食

营业中

休息中

住咗喺湾仔十几年，呢几年从媒界听到有间雄记好出名，但每次经过佢门口，唔系排紧长龙就系无开门，后尾听讲要从FB嘅post 先知果日会唔会开门，心谂有无咁巴闭，系咪真系咁好食，还是俾D睇小X书嘅人食。今日放假，专登等午饭时间后先去，终于有位坐唔驶排，但已经被提醒某一D食物已售罄，三点咋😓。好快咁叫咗个中辣咖哩牛腩面，猪骨粥，煎蛋虾米肠，无耐食物上枱，粥好棉，虾米肠蛋好滑，咖哩好香，牛腩好腍，食紧嘅时候，雄哥攞住碗糯米饭走过嚟叫我帮手食咗佢，我真系唔识反应，第一次帮衬唔系熟客，但受到熟客一样嘅招待，感动🥲。边食边参观两边墙上面嘅相，poster，figures ，留言等，好满意嘅一餐，食物味，人情味，地道味全部有齐，无嚟错，下次必定会再帮衬试埋其他嘢食👍。