Chaiwala

营业中

休息中

我不嬲都劲钟意食印度嘢，呢间餐厅更加系之前想去过几次，但系次次预早订位都已经话俾人book晒，所以就算开咗咁耐，今日都系第一次真正嚟食，见到佢哋有全新登场嘅限定餐牌，就谂都唔谂就嗌咗！呢样嘢就系佢哋个陶土锅，其实佢嘅历史，就系当印度喺英治时期，铁路上嘅其中一款经典美味，都几值得大家品尝吓。呢个餐点其实平日嘅中午或者晚餐都会食到，基本上就系印度式嘅煲仔饭，加埋浓厚嘅咖喱味，呢啲咁冻嘅天气食真系一流！而且我哋今日叫咗个羊，都真系整得好好食，羊肉整得滑嫩，而且好够味。之后都叫咗个二人厨师发办餐，基本上就系一个3 course meal，厨师帮我哋决定食乜嘢。我觉得最好食就系个chaat sald同pani puri，口感超级丰富！当然个fish curry都好正啦，美味辣味，食得出好明显用咗好多唔同嘅香料去制造，味道好有层次感！至于饮品方面，嚟得印度餐厅，点可以唔叫mango lassi，呢度呢杯唔会太甜，而且口感浓密，更加用上矜贵嘅saffron做装饰。