我杯茶 (永興樓)

营业中

休息中

之前嚟过好几次，都系食葱油鸡饭，一直都想试仙草面。今日下定决心，拣咗呢一个鱼片鱼腐仙草面。大少返兜咖喱黑毛猪猪扒饭，佢话好食㖞。当然唔少得热奶茶。其实所谓嘅仙草面，类似西洋菜面或者波菜面咁上下啦，都系用蔬菜做出嚟嘅面。虽然个面系绿色，但系我食唔到任何蔬菜味道。当佢普通一个鱼蓉面咁就可以啦。鱼腐里面真系食到有少少鲮鱼肉。个汤底比较清淡，反而上面加咗几块紫菜同埋芝麻比到少少味道。呢个面我觉得适合想食得清淡嘅朋友。大少𠮶个咖喱黑毛猪猪扒饭，个水准同平时一样，唔会太大参差。