麵屋丸京

营业中

休息中

店内有两款汤底可供选择，分别系浓汤同清汤。我就食开最平个款豚骨酱油拉面，因为其余几款份量太多，而且有冇人好似我咁😂食拉面系为左个汤底同面，叉烧同其他配料对我黎讲系可有可无～-呢排想转下口味，唔想食太过浓味既野，于是一向食开丸京浓汤既我，转战清汤💁🏻‍♀️清汤真系好清淡，入口比较清新，系酱油咸味再带点微微既清甜～比起浓汤，呢个汤底一啲都唔腻，食完面饮埋汤，份量啱啱好。但个人始终都系钟爱浓汤多一点🙈讲起浓汤，汤底浓稠杰身，味道偏咸，油份较重，面条好挂汤，味道够浓岩晒重口味既我😆之前我仲手多多加左蒜，咸到不得了，所以原汁原味系最好食👏🏻但我几乎每次食完浓汤都觉得好腻，慢慢食既话啲汤会变到杰达达，搞到我食唔晒，所以一定要趁热享用，同时间竞赛～个人一直觉得呢间拉面店CP值超高～价钱合理，份量适中，质素又唔错👍🏻所以好推荐大家去试下！