ATUM Desserant (已結業)

辛苦完成工作后，想好好奖励自己，于是约咗朋友嚟食甜品。睇完餐牌，见到有席前甜品，好想见识吓系咩嚟，于是决定叫呢个。Welcome Drink - 未食嘢前就先上呢杯饮品，用试管装住士多啤梨味饮品，甜甜酸酸，好开胃! Improvisation - 师傅问我哋要咩颜色嘅垫枱纸，我哋拣咗黑色，跟住佢问我哋想写咩字或者要咩公仔，因为我哋唔系庆祝性质，所以要咗只minion，佢就开始席前制作甜品。师傅一边制作，一边介绍每款汁酱同材料，整整吓仲会俾啲材料我哋试吓，睇住个甜品一步步咁完成，好期待食佢呀! 当以为已经完成之际，重头戏嚟啦! 雪糕以液态氮制作，成个盘都烟雾弥漫，视觉效果一流，啲雪糕整完系一嚿嚿，跟平时见到嘅唔同。当个甜品完全𠮶一刻，真系成件艺术品，靓到唔舍得食落肚。酱汁有椰子、车厘子及芒果，食材有朱古力脆片、朱古力布甸、柚子啫喱、热情果蛋糕、绿茶mochi、热情果辣椒布甸、拖肥脆糖同鲜果，雪糕系竹炭雪糕同雪梨柚子雪糕，面头再加上龙须糖，质感同层次都好丰富，食材有甜有酸，有啲又脆，有啲就烟烟韧韧，再自由配搭唔同食材同酱汁，啖啖都有新鲜感，食落亦唔会觉得腻。另外，呢个餐包咗2款饮品，我叫咗