C.K. Bistro (已結業)

教堂婚礼完毕之后，去咗九龙城呢度食包场自助餐，旧机场区，大厦最高得六、七楼，这餐厅大概可容纳三、四十人，环境不错，出面有一部分喺室外，大家可以出去坐，气氛都唔错，也可以欣赏到九龙城美景。侍应们服务很殷勤，食完都好快收碟。以这个规模的自助餐，沙律款式都算多。热食有鸡串，天妇罗虾同煎虾碌，都十分爽口。炸子鸡好香好美味，椒盐白饭鱼大大条炸得好香口，忍唔住口食咗好多。葱爆牛肉好淋好入味，好快已经畀人攞晒啲牛肉，仲有生炒骨，唔肥，酸酸地好省胃。炒面冇其他材料，且有少少硬，鳗鱼炒饭我最欣赏，好香鳗鱼味。此外，还有xo酱炒西芹鱿鱼，西兰花炒杂菜，羊架，牛扒，酱烤猪肋骨等等。食物都refill得好快。饮品除了主人家带来的香槟及酒，汽水是罐装，也有一些盒装饮品。因为主人家有自己准备结婚蛋糕，甜品就只有啫喱杯、大菜糕同海带绿豆沙。