名仕餐廳 (已結業)

我同老婆结婚五周年啦!!今年, 我同老婆大人都想系周年纪念日食西餐, 揾左好几间, 终于选择左呢间系日航酒店既名仕餐厅.  呢到系少有既半自助式西餐厅, 我同老婆都系第一次去呢种餐厅, 呢度俾我地既感觉系较宁静, 灯光柔和, 音乐都系比较古典的.  侍应既服务态度都非常唔错, 有效率同埋有笑容.  头盘就系自助式的, 估唔到竟然连刺身同寿司都有, 海鲜就有冻蟹脚, 青口, 面包蟹, 花螺同龙虾, 真系食到停唔到口, 我同老婆都忍唔住要叫支白酒黎饮下.  不过, 好戏系后头, 最正都系个凯撒沙律, 听侍应讲, 原来呢度既沙律汁系每日同新鲜鱼仔做架.食完头盘, 当然轮到唔少得既餐汤啦, 系周打蚝汤, 个汤真系好"蚝"呀~好饮得黎又够特别.至于主菜方面, 我同老婆都点左银雪鱼柳, 汁甜肉滑, 再陪上我地点既白酒, 真系一绝!!最后就系自助甜品, 有生果, 朱古力同蛋糕仔...诚意推介有法式炖蛋.总结: 服务态度友善, 食物都好有水准, 我同老婆都会再黎~