樂意扒房 (已結業)

友人话因为睇到报导话呢间餐厅将会结业，所以叫我去食最后一次，人总系结束先会珍惜红白格仔台布，吊灯，墙纸，木门，全部配合一齐，就系怀旧既感觉首先有一篮面包，有一半系脆，一半系软，符合唔同人既需要我地4个人，本身谂住每人叫一样扒，再叫d配菜沙律share ,但当老板见我叫斧头扒，佢话我一个人应该食唔哂，所以我就同老公share一块斧头扒，另外两个朋友就一人一块牛柳一开始黎系老板介绍既马刀贝，由洋葱香草煮成，鲜甜同d肉好大粒肉好耐无食过咁香既“真正”田螺，薯蓉吸左田螺同牛油味，超好味，我地4个争住食蘑菇蟹肉汤，啖啖鲜蟹肉味，同埋最顶个块芝士为呢碗汤加添香浓味斧头扒，系我番香港食过最好食既牛扒，好耐无食过咁香浓鲜肉味，5成熟，煮得岩岩好，外表脆，内里既肉汁锁住，一口咬入去既时候，肉汁布满口腔朋友拣左牛柳，肉质好淋，感觉入口即溶，岩哂牙痛既友人都可以食哂成块，但相比下，我比较喜欢斧头扒既肉感同香浓到最后甜品，我地点左火焰雪山，而家会整呢样甜品既餐厅月黎月小，但呢道甜品令我失望，酒味过浓，变成浓火酒味，cream太甜