花園餐廳 (已搬遷) 新店位置

话明唔去唔去, 点知又去多次, 点解? 咪因为唔信邪啰, 好就比多个机会佢啦! 但系到底结果会系喜出望外定系失望而回呢?两个人去到发觉劲多人, 师傅心谂系咪真系咁好味呀? 不过应该系撞午膳时间, 但最后都要等成十五分钟先有位!一坐底即刻睇下有咩食啦, 有铁板午餐, 特餐, 午餐等等, 思想斗争左一阵, 最后决定要两个铁板午餐, 而两个铁板午餐都系要左镬仔牛柳, 一红一白汤!最先黎竟然系餐汤, 红汤系罗宋汤而白汤系忌廉粟米汤, 罗宋汤完全唔似罗宋汤, d料都几多又够红, 但就唔够味又唔辣, 叫杂菜汤会好d啰, 而忌廉粟米汤都几多粟米, 不过就比较水, 一d都唔忌廉, 不过师傅都会觉得白汤好过红汤; 而餐包就热辣辣好松软, 几好味; 牛柳要左五成熟配埋佢地招牌黑椒汁, 牛柳好薄好松, 而肉地又唔会鞋, 黑椒汁够香够辣, 都几好啦, 再配上炸薯条, 炸薯条都几松脆, 唔会太硬, 可以㖞!总括黎讲呢度食物质素都可以, 比师傅想像中好, 而环境都舒服, 服务就普普通通, 可以接受, 而铁板午餐都系四十五蚊, 而且冇加一, 不防一试! 今次结论都算喜出望外, 呢一间师傅觉得可以再黎!