影片
更多
2022-10-06
772 浏览
大利清汤腩📍 鲗鱼涌祐民街16号地下记忆中系首次踏足太古，朋友介绍去祐民街揾食。同一条街有三间餐厅可以选择：牛腩面店、汉堡店同泰国菜。我哋行咗一转都系返返去第一间嘅大利清汤腩，一嚟因为佢嘅牛腩系香港数一数二出名，二来就系佢快将光荣结业，只系营业到10月25日咋。难得嚟到太古，又经过呢间出名最好食嘅分店，当然要趁佢尚在嘅时候食返一次啦。 💰$35牛腩河 🐮大利清汤腩已经有三十几年历史，算系本地清汤腩的元祖之一，佢哋会用新鲜牛骨熬汤底，而牛腩就系新鲜黄牛腩嚟整，虽然我已经无食牛肉接近两年，但睇到都知啲牛腩好嫩，闻落好香牛味，唔会干争争。 💰$35云吞粗面 🥟我自己叫咗呢碗嚟食，云吞大大粒，食落啖啖肉，虾肉好弹牙！因为本身想叫捞面，但落单嘅姐姐听错咗，嚟到先知系粗面。但因为我唔钟意食粗面，于是我将成个面同朋友交换，所以我食嘅系河粉。佢哋嘅河粉好索汤，基本上未食哂碗粉都已经得返三分一嘅汤，食到后半啲河粉开始变得易断，好在佢嘅粉无咩麻包袋味，而且都好滑身。 💰$35紫菜三宝河 🍡朋友叫咗呢碗三宝河，佢嘅三宝系三款丸，无记错应该系墨鱼丸、鱼蛋同猪肉丸。我食咗佢惟一一粒墨鱼丸，好弹牙，一啲腥味，食到
📍 鲗鱼涌祐民街16号地下
记忆中系首次踏足太古，朋友介绍去祐民街揾食。同一条街有三间餐厅可以选择：牛腩面店、汉堡店同泰国菜。我哋行咗一转都系返返去第一间嘅大利清汤腩，一嚟因为佢嘅牛腩系香港数一数二出名，二来就系佢快将光荣结业，只系营业到10月25日咋。难得嚟到太古，又经过呢间出名最好食嘅分店，当然要趁佢尚在嘅时候食返一次啦。
[价钱 Price]
💰$35
牛腩河 🐮
大利清汤腩已经有三十几年历史，算系本地清汤腩的元祖之一，佢哋会用新鲜牛骨熬汤底，而牛腩就系新鲜黄牛腩嚟整，虽然我已经无食牛肉接近两年，但睇到都知啲牛腩好嫩，闻落好香牛味，唔会干争争。
[价钱 Price]
💰$35
云吞粗面 🥟
我自己叫咗呢碗嚟食，云吞大大粒，食落啖啖肉，虾肉好弹牙！因为本身想叫捞面，但落单嘅姐姐听错咗，嚟到先知系粗面。但因为我唔钟意食粗面，于是我将成个面同朋友交换，所以我食嘅系河粉。佢哋嘅河粉好索汤，基本上未食哂碗粉都已经得返三分一嘅汤，食到后半啲河粉开始变得易断，好在佢嘅粉无咩麻包袋味，而且都好滑身。
[价钱 Price]
💰$35
紫菜三宝河 🍡
朋友叫咗呢碗三宝河，佢嘅三宝系三款丸，无记错应该系墨鱼丸、鱼蛋同猪肉丸。我食咗佢惟一一粒墨鱼丸，好弹牙，一啲腥味，食到入面嘅墨鱼肉，汤底嘅味都好清，唔错唔错。
[价钱 Price]
💰$49
云吞牛腩河 🥟🐮
同上面嘅评语一样，但个人认为双拼唔系咁抵食，因为云吞只有两粒，但牛腩嘅份量又唔系比$35一碗嘅牛腩河几多，但如果贪心啲想试多款嘅可以叫双拼嚟食！
[价钱 Price]
💰$15
腩汁萝卜 🥕
萝卜煮得好淋身，清甜之余吸晒腩汁嘅精华，仲要无渣，价廉物美，推！
张贴
