鳴橋燒肉料理 (已結業)

旧朋友饭聚，朋友book左地方食烧肉。小店位于砵兰街，都花左少少时间先揾到。去到先知，原来系烧肉放题。二百零蚊一位又几抵wor。有部分食物要加$40升级，一场黎到当然要尽兴啦！店员仲过黎同我地讲，FB打卡会有白肉拖罗送啊！先来一盘刺身，始终是放题唔会对刺身期望太高，但可以开开胃都唔错。肉类方面选择都几多，牛都有近十款。上台都几靓仔几够诚意。最钟意食一口和牛同牛舌，油脂比较多、牛肉味浓。海鲜方面，虎虾最吸引，有成只手掌甘大架！除左烧肉，呢度仲有少量日式食品例如前菜、汤、天妇罗等。天妇罗都唔比一般放题输蚀，甜薯好甜好好味。香草羊架好厚肉，羊味重，可惜香草稍为多左少少。拨开哂黎食，会比较好食。全盛时期，我地放满哂烧肉炉，睇见都兴奋。几欣赏佢地有一张纸沾上牛油，垫住火炉就唔会痴底啦。店员仲会密密换，真贴心！另一样野，一定要赞一赞，店员下单、师傅出货精准。叫一份真系黎一份，无多无少，两个人都可以黎食，唔惊食唔哂。成晚无漏单，无缺货，货真价实，十分值得欣赏。