皇庭匯 (已結業)

今日系一个好重要嘅人生日！所以我们一家就选择咗每次有重要日子我们都会去嘅「皇庭汇」旺角店食晚饭庆祝！由于要提早预订，所以本人提早两日预订咗红烧顶汤大鲍翅「足五両」、蚝皇扣一头网鲍、清蒸原只长脚蟹、清蒸顶角大糕蟹、笼仔蒸顶角大糕蟹饭、椒盐濑尿虾皇、明炉一哥烧鹅皇、冻镇南非鲍鱼同姜汁生炒粗芥兰「大」！红烧顶汤大鲍翅「足五両」嘅翅一梳一梳咁，翅嘅份量比汤仲要多，食极都仲有，真系非常真材实料同份量十足！蚝皇扣一头网鲍嘅鲍鱼真系扣得好腍好入味，肉质相当嫩滑弹牙，鲍汁嘅味道调教得恰到好处，非常滋味！清蒸原只长脚蟹嘅清蒸顶角大糕蟹同笼仔蒸顶角大糕蟹饭嘅依旧都系超级多糕，蟹糕极之软滑甘香！椒盐濑尿虾皇真系超新鲜，肉质相当鲜味弹牙，椒盐嘅味道十分惹味！明炉一哥烧鹅皇嘅烧鹅仍然都系咁皮脆肉嫩多汁！