影片
更多
2018-02-09
967 浏览
寻晚收工比较晏，本来约左女友喺市区出去食饭，不过见收工晏左，不如揾返上水既餐厅食，唔驶女友走嚟走去! 喺上水好多餐厅既新成路，揾到间门面几好既西餐厅，就俾佢吸引左入去！餐厅尚算宽敞，提供大约十张台，食西餐嚟讲，坐得舒服对我嚟讲系几紧要！ 坐低无耐待应都好似高级西餐厅咁介绍下今日有咩精选菜式，餐厅食品主打羊仔柳，烤猪手，安格斯汉堡等，饮品就主打咖啡，朱古力等！我哋都参照左待应既介绍，点左尼哥斯沙律，香烤羊仔柳，蓝芝士杂菜意大利饭同两个餐汤！估唔到小小餐厅会提供油醋点面包，已经系我预奇之外，南瓜汤酸酸甜甜，略带南瓜甜味，非常开胃！餐厅好有秩序上菜，餐汤饮完之后，会先换餐具再上菜，我估唔到小小店铺有大餐厅既服务，呢个时候我开始对佢哋既野食有d期待！尼哥斯沙律首先出场！呢个好出名既地中海沙律竟然可以喺上水食到，仲只系卖$88,质素高，味道好！入面有好好多旧厚切黑椒烟熏吞拿鱼，浓浓既黑椒令吞拿鱼既腥味都去除晒，只系食到肥美既吞拿鱼！配合埋火箭菜，薯仔等配料，令人非常开胃！ ! 重点系份量都好大！紧接沙律上台既系香烤羊仔柳，我哋都跟住待应既介绍order左7成熟，羊仔柳既生熟程度整得刚刚好！非常
餐厅尚算宽敞，提供大约十张台，食西餐嚟讲，坐得舒服对我嚟讲系几紧要！ 坐低无耐待应都好似高级西餐厅咁介绍下今日有咩精选菜式，餐厅食品主打羊仔柳，烤猪手，安格斯汉堡等，饮品就主打咖啡，朱古力等！
我哋都参照左待应既介绍，点左尼哥斯沙律，香烤羊仔柳，蓝芝士杂菜意大利饭同两个餐汤！
估唔到小小餐厅会提供油醋点面包，已经系我预奇之外，南瓜汤酸酸甜甜，略带南瓜甜味，非常开胃！
餐厅好有秩序上菜，餐汤饮完之后，会先换餐具再上菜，我估唔到小小店铺有大餐厅既服务，呢个时候我开始对佢哋既野食有d期待！
尼哥斯沙律首先出场！呢个好出名既地中海沙律竟然可以喺上水食到，仲只系卖$88,质素高，味道好！入面有好好多旧厚切黑椒烟熏吞拿鱼，浓浓既黑椒令吞拿鱼既腥味都去除晒，只系食到肥美既吞拿鱼！配合埋火箭菜，薯仔等配料，令人非常开胃！ ! 重点系份量都好大！
尼哥斯沙律
$88
34 浏览
0 赞好
0 留言
紧接沙律上台既系香烤羊仔柳，我哋都跟住待应既介绍order左7成熟，羊仔柳既生熟程度整得刚刚好！非常嫩囗，餐厅非常窝心，上台前已经切好一片片，食落啖啖肉，咬落去肉汁立即渗晒出嚟，而且一d都唔会有膻味，份量又大，其实唔点汁就咁食已经非常好食！
香烤羊仔柳
$165
36 浏览
0 赞好
0 留言
最后上柱既系蓝芝士杂菜意大利饭，芝士浓郁足够拉丝，铺上面一片片既蓝芝士𠮶阵香浓既芝士味，单系闻已经令我口水都流埋，食落更系齿甲留香，成口都系𠮶阵芝士味，喜欢食比较浓味芝士既朋友，真系千祈唔好错过！ 意大利饭亦做得恰到好处，唔会太淋，有咬口！
饭后我哋各自都叫左杯野饮，就系餐厅主打既抹茶同朱古力，我就叫左个薄荷朱古力，女友就叫左个green tea lattle!
浓郁香滑既朱古力加上阵阵薄荷味，令到呢餐非常完美
女友既green tea lattle抹茶味浓，唔驶加糖仲好饮！
两杯饮品有卖相到味道都做到色香味俱全！令我哋非常满意呢餐
呢餐咁高质既西餐，埋单不过300 几，以佢哋既高质服务同高质食物嚟讲，我觉得系非常合理！我喜欢佢哋d𩠌菜慢慢一道一道甘上，服务周到！唔会赶住要我哋交台，俾我哋有充足时间享受每道菜式！仲有时间倾下计！以后想食西餐，可以唔驶再出市区！嚟呢间孖宝餐厅就得！
张贴
