影片
更多
2018-09-11
239 浏览
伏中之伏!!!! 同朋友第一次試呢間既$98邊爐燒肉set，聽講唔錯，同埋星期六晚飯時間竟然唔洗等位，就諗住試下。點知一坐低打開塊餐牌已經開始覺得中伏，塊餐牌勁油，污糟到我地唔想掂佢! 🤢我地叫左凍檸茶，但間餐廳就俾粗飲管我地飲，凍檸茶係要篤檸檬，咁用個粗管飲就會不斷吸到啲檸檬核，員工太無常識了吧…😑之後野食開始黎，因為我地坐2人枱，員工就可能覺得太細唔夠位放，就叫我地搬位，其實我同朋友都唔介意要搬位，只係個位好高既中年女員工用左唔太好既語氣叫我地搬枱首先，佢係冇望住我地講野，正常都唔覺得係同我地講緊野，所以我同朋友都疑惑左但無郁度，然後個位中年女職員可能覺得我地仲唔企起身去搬位煩到佢定阻到佢，所以佢即刻黑曬面用極度唔耐煩既語氣講: 快啲跟我黎啦!你地個到擺唔曬架! 個一刻係令我同朋友都忍唔住燥左😠行到去新果個位之後先發現原來係同另外兩個人面對面咁搭檯，啲員工幫我地搬返啲食物同我地事先拎既醬油碗個啲過黎，但有個染左紅色髮尾帶眼鏡既後生女員工係將啲碗碟極求其咁放，結果佢將我係自助區拎既一包辣椒油一野飛左落我碗芝麻醬到…所以係一包醬直插左落芝麻醬到…而且佢見到之後冇道歉亦冇打算俾我換過個醬
同朋友第一次試呢間既$98邊爐燒肉set，聽講唔錯，同埋星期六晚飯時間竟然唔洗等位，就諗住試下。
點知一坐低打開塊餐牌已經開始覺得中伏，塊餐牌勁油，污糟到我地唔想掂佢! 🤢
我地叫左凍檸茶，但間餐廳就俾粗飲管我地飲，凍檸茶係要篤檸檬，咁用個粗管飲就會不斷吸到啲檸檬核，員工太無常識了吧…😑
之後野食開始黎，因為我地坐2人枱，員工就可能覺得太細唔夠位放，就叫我地搬位，其實我同朋友都唔介意要搬位，只係個位好高既中年女員工用左唔太好既語氣叫我地搬枱
首先，佢係冇望住我地講野，正常都唔覺得係同我地講緊野，所以我同朋友都疑惑左但無郁度，然後個位中年女職員可能覺得我地仲唔企起身去搬位煩到佢定阻到佢，所以佢即刻黑曬面用極度唔耐煩既語氣講: 快啲跟我黎啦!你地個到擺唔曬架! 個一刻係令我同朋友都忍唔住燥左😠
行到去新果個位之後先發現原來係同另外兩個人面對面咁搭檯，啲員工幫我地搬返啲食物同我地事先拎既醬油碗個啲過黎，但有個染左紅色髮尾帶眼鏡既後生女員工係將啲碗碟極求其咁放，結果佢將我係自助區拎既一包辣椒油一野飛左落我碗芝麻醬到…所以係一包醬直插左落芝麻醬到…而且佢見到之後冇道歉亦冇打算俾我換過個醬或者再拎返包新既辣椒油俾我😓 令我同朋友係食野之前已經谷到成肚氣……
至於野食方面，我平心而論係不過不失，唔係特別好味但又未至於係難食，不過唔太對得住個價錢，因為低價過佢既吉野家邊爐好食過佢好多倍(雖然我知佢地係同一個集團)。但因為個服務質素既問題，令我對呢間餐廳既感覺好差，以後絕對唔會再食!
最後想講一句，呢間餐廳員工培訓極度欠佳! 雖然係冇收服務費，但都唔代表態度可以差成咁掛🤔譚仔都唔收服務費啦，但人地譚仔呀姐服務好呢間啲員工九條街!
张贴
