漁小館 (已結業)

旧同学话想见面吹水，佢系大角咀返工，话想同我地去食好西！大角咀系远左少少，但为食好野，老远都去既店内装修都几舒服，位置唔多，但每枱与每枱之间唔太迫！同学早到就点左野食先，怕有D 招牌菜冇得叫，明智！嘻嘻！古法虾子扣柚皮，唔系度度都会食到，扣得好入味，食落有虾子味，味鲜！酥炸脆皮牛坑腩，呢个就比想像中逊色，牛坑腩偏肥，炸得干身左。捞起手撕鸡半只，必叫！极快清碟，鸡味重，肉又嫩，仲有埋扎肉，好有咬口，又有麻油香味，正！黄金焗海中虾，咸蛋黄好重手，正到晕，虾肉弹牙，用料新鲜！笼仔金蒜蒸蟹饭，香到震，蟹都好新鲜，但细只左少少，荷叶饭味好香，好好食！每人平均都系200蚊左右，好抵食！