Greyhound Café (國際金融中心) (已結業)

坐完摩天轮，一行6人黎到ifc依间已订位既cafe, 初初都以为系食甜点为主，但原来菜色十分多，主打泰国fusion菜。点左以下：小食：香草辣汁三文鱼、炸单骨鸡翼、炸粟米蟹肉饼主菜：冬荫公汤河、泰式猪肉碎饭、大虾炒贵刁、带子大虾墨鱼汁面甜品：椰子crepe cake、茫果crepe cake、Apple crumble推介香草辣汁三文鱼，重点系个汁，香辣得来十分惹味，我地用食剩既汁点其他野就知几咁出色！😋另外，墨鱼汁面都系相当出色，用左泰式炒法加入九层塔、鲜胡椒、辣椒等，个汁香口之余食落面条烟韧又有海鲜味，十分丰富，超正！👍🏼👍🏼👍🏼最后重点讲既系甜品！依度最出名系crepe cake, 即千层蛋糕。我地嗌左鲜椰子同茫果味，cake入而夹杂著果肉同忌廉，果肉相当新鲜香甜(茫果冇酸味，唔似一d大型饼店既茫果千层蛋糕d茫果总有几块系酸⋯)。激钻既系佢d忌廉做得好幼滑，甜度适中，食完冇「好heavy」既感觉，个人觉得椰子同忌廉相当夹！唔怪之好多人都极力推荐，名不虚传。