敏華冰廳 (Mikiki)

营业中

休息中

黎到敏华冰厅，每一次我只会叫一样野！唔该帮我写个黯然烧魂饭！敏华黯然销魂饭即系一碟叉烧煎蛋饭，但佢同一般茶餐厅既叉烧煎蛋饭有绝对的分别。敏华既叉烧系用上自家制厚切梅头猪肉，梅头猪肉肉质够腍软、脂肪均称兼无筋，每啖咬落去都系有嚼劲。叉烧面头仲要有甜甜的香味，最令人惊喜既系，叉烧都会带点「焦香」，真系啖啖香口。再配搭埋半熟流心荷包蛋，食既时候要笃穿蛋黄，流到饭粒之间，加埋佢哋自家制既头抽同香葱油，与金凤香米混为一体，真系OMG!!! 记住一定要狠心拮穿只蛋，等啲蛋黄渗入热饭先系最高享受。