影片
更多
2022-05-02
1554 浏览
今周六就唔行山，改咗同老友踩车，因为天气开始热番，所以，唔好太搏，轻松啲，由太和一直踩去大围，咁样无咁辛苦。嚟到大围，午饭时段过咗，揾食都无咁多人，老友话揾间餐厅好坐啲，打打趸，抖一抖。即时晌网上搜查吓，揾到呢间「小火焰」，来好耐无食过韩国嘢，二来见佢嘅风评不俗，几多好评，应该值搏率高。走入餐厅内，地方呈L形，话大唔大，话细唔细，以啡色、杏色为主调，装修都几骨子，墙上嘅电视机不断播放K-Pop。枱上已放好餐具同餐纸，消毒喷雾，其他基本嘅间隔胶板、防疫要求都算做足。佢哋嘅食物选择非常之多，虽然只喺午餐，但唔喺得三几款，石锅料理、韩式拌饭、大酱汤粉丝锅、乌冬、焗饭……等等，大部份定价都喺五、六十左右，包餐饮，唔收加一。最好喺有好多弹性，转其他饮品，加配小食，均有优惠，仲要喺可以一次加配多款小食都得。而呢度，用二维码落单，落单时发觉弹性仲大，好似饭可选多饭、少饭，饮品可以拣少甜、少冰，友人嘅乌冬可由原先嘅蕃茄汤底转为猪骨汤底。唔熟二维码落单都唔紧要，店家备有纸仔俾客人填。甜辣韩式炸鸡 +$12有加配优惠就当然少少哋试番一客小食，一客炸鸡有3件，炸得甘香可口，又唔油腻，啲肉质又几嫩滑，淋上少少
走入餐厅内，地方呈L形，话大唔大，话细唔细，以啡色、杏色为主调，装修都几骨子，墙上嘅电视机不断播放K-Pop。枱上已放好餐具同餐纸，消毒喷雾，其他基本嘅间隔胶板、防疫要求都算做足。
佢哋嘅食物选择非常之多，虽然只喺午餐，但唔喺得三几款，石锅料理、韩式拌饭、大酱汤粉丝锅、乌冬、焗饭……等等，大部份定价都喺五、六十左右，包餐饮，唔收加一。最好喺有好多弹性，转其他饮品，加配小食，均有优惠，仲要喺可以一次加配多款小食都得。
而呢度，用二维码落单，落单时发觉弹性仲大，好似饭可选多饭、少饭，饮品可以拣少甜、少冰，友人嘅乌冬可由原先嘅蕃茄汤底转为猪骨汤底。唔熟二维码落单都唔紧要，店家备有纸仔俾客人填。
甜辣韩式炸鸡 +$12有加配优惠就当然少少哋试番一客小食，一客炸鸡有3件，炸得甘香可口，又唔油腻，啲肉质又几嫩滑，淋上少少韩式甜辣酱，更加惹味好食，个加配价真喺抵食。若非仲要踩番转头，唔方便食太饱，否则真喺想加配多一、两款小食呀！
酥脆蘑菇鸡翼蕃茄汤乌冬 $68老友想食啲湿湿哋嘅主食，本来谂全试水冷面，最后都喺改番食蕃茄汤乌冬，因为贪其食落开胃啲。佢话最欣赏喺鸡翼同汤乌冬分开上，唔会被浸腍，所以，啲鸡翼入口真喺非常酥脆，里面仲酿入芝士蘑菇，超好食；而乌冬够晒滑溜，个蕃茄汤亦做得不赖，酸酸香香确喺醒胃。
酥脆蘑菇鸡翼蕃茄汤乌冬
$68
23 浏览
0 赞好
0 留言
小弟就想食吓咖喱，个咖喱饭都几靓仔，伴有一只㶶边蛋，蛋黄香滑绵绵，而牛扒烧到有啲焦香，肉味浓，而咖喱就较日式嘅做法，带少少甜味，咖喱捞饭就几时都咁好食，再者，啲饭煮得饭粒分明，加埋啲日本细细粒嘅甜薯，食完真喺满足晒。
冻蜂蜜柚子茶 +$3老友简单啲，要杯冰冻嘅蜂蜜柚子茶解解渴就可以喇，佢为人无太多要求，不过，佢都话杯`蜂蜜柚子茶入口好清润，柚子味亦好香，就算喺啲即冲货色，都俾足料。
冻岩盐焦糖咖啡 +$13我就喜欢叹咖啡多啲，不过，同样因为天气热，都改饮杯冻嘅，岩盐焦糖口味就最合心水，唧咗少少忌廉，再加啲啲粟米片做装饰，卖相好睇好多。入口冰凉爽快，拌匀晒之后，口感柔滑，咖啡嘅醇香中渗出焦糖嘅香甜味，正呀！
冻岩盐焦糖咖啡
38 浏览
0 赞好
0 留言
我见个奶冻只喺加$10，真喺出去晌啲甜品店单买都唔得，所以，当然要试一试。樽仔造型，而且，份量好足，无话将货就价，但最紧要喺个奶冻口感好软滑，牛乳味好浓郁，绝对交足货，仲要加配价咁平。当然，如果面头加多一小撮红豆，就真喺锦上添花。
3.6牛乳奶冻
15 浏览
0 赞好
0 留言
张贴
