影片
更多
2021-07-12
60 浏览
疫情期间想离开香港都难，朋友话想试吓呢间西班牙菜，当去咗旅行🤣入到餐厅见到墙身挂咗一幅好大嘅西班牙街道嘅画，另一边墙身放满左唔同嘅红酒，充满异国风情。一打开个餐牌我哋样样都想食，最后叫咗三样前菜、小食，同埋五样主菜🤪首先，呢个传统腌八爪鱼配香槟醋甜椒有橄榄、青椒、红椒、黄椒、洋葱等等嘅蔬菜，加上香槟醋配橄榄嘅味道清新，酸酸地好开胃。生蚝肥美，鲜味浓郁，淡淡嘅甘甜，唔会太咸/太大阵海水味。西班牙烩蚬伴柠檬橄榄油真系冇得弹！佢哋嘅蚬系每一粒都非常大只同肥美，我哋都话从来未食过咁好既蚬！绝无夸张！完全冇沙！橄榄油带出劲鲜味！！猪手就食得多啦，呢度竟然有咸蛋黄猪手，因为本人劲钟意食咸蛋黄，猪手配埋歌蛋黄酱真系冇得顶，劲香口！都有配浓郁芥末酱同淡酸味芥末酱。特色烤乳猪配秘制酱汁，旁边仲有苹果蓉，乳猪外皮香脆，肉质嫩滑。烧比目鱼配原只大虾啱晒啲食唔到有鱼刺既人，比目鱼烧完一啲都唔干，仲有啲肉汁锁住系鱼入面。只大虾成只手掌咁长，肉质弹牙。食西班牙菜又点少得西班牙海鲜饭，之前去西班牙食海鲜饭都偏硬身，呢度嘅饭较为软身，比较适合香港人口味。海鲜饭入边嘅海鲜都好高质，真正有质素嘅海鲜饭。饮品方便我就叫咗一
疫情期间想离开香港都难，朋友话想试吓呢间西班牙菜，当去咗旅行🤣入到餐厅见到墙身挂咗一幅好大嘅西班牙街道嘅画，另一边墙身放满左唔同嘅红酒，充满异国风情。
一打开个餐牌我哋样样都想食，最后叫咗三样前菜、小食，同埋五样主菜🤪
首先，呢个传统腌八爪鱼配香槟醋甜椒有橄榄、青椒、红椒、黄椒、洋葱等等嘅蔬菜，加上香槟醋配橄榄嘅味道清新，酸酸地好开胃。
生蚝肥美，鲜味浓郁，淡淡嘅甘甜，唔会太咸/太大阵海水味。
西班牙烩蚬伴柠檬橄榄油真系冇得弹！佢哋嘅蚬系每一粒都非常大只同肥美，我哋都话从来未食过咁好既蚬！绝无夸张！完全冇沙！橄榄油带出劲鲜味！！
猪手就食得多啦，呢度竟然有咸蛋黄猪手，因为本人劲钟意食咸蛋黄，猪手配埋歌蛋黄酱真系冇得顶，劲香口！都有配浓郁芥末酱同淡酸味芥末酱。
特色烤乳猪配秘制酱汁，旁边仲有苹果蓉，乳猪外皮香脆，肉质嫩滑。
烧比目鱼配原只大虾啱晒啲食唔到有鱼刺既人，比目鱼烧完一啲都唔干，仲有啲肉汁锁住系鱼入面。只大虾成只手掌咁长，肉质弹牙。
食西班牙菜又点少得西班牙海鲜饭，之前去西班牙食海鲜饭都偏硬身，呢度嘅饭较为软身，比较适合香港人口味。海鲜饭入边嘅海鲜都好高质，真正有质素嘅海鲜饭。
饮品方便我就叫咗一杯Peach green tea，咁啱餐厅暂时冇奶盖供应，不过冇咗奶盖更加清楚饮到桃嘅香味。
总括而言，呢间西班牙菜绝对值得一试！我相信我哋好快又会再嚟食！
张贴
