南龍冰室 (已結業)

和朋友三人本來想吃撈丁，但見到餐牌有三人小菜套餐包湯、三個煲或小炒、一碟炒時蔬、三杯熱飲，共$248都好似好抵食。最愛茄子嘅我先揀了漁香茄子煲，不過不失啦，我幾喜歡魚香味唔重，唔會太咸，但味道唔足，而且太太太油喇！只可以講，夠多茄子囉...第二款小菜係豬頸肉炒什菌，一放片豬頸肉入口，真係燥咗！完全冇味，同滾水淥過一樣，簡直食唔到入口，完全暴殄天物反而野菌好味好多！起碼有食到醬汁味。最後再黎多個粟子雞煲，終於正正常常，雖然粟子唔淋，但起碼入味，能放入口，而且雞件都夠滑，送飯唔錯。食完同侍應講咗啲食物麻麻，佢都坦白同我哋講，嚟呢到真係唔好食小菜！下次真係再黎，只可以叫常餐或撈丁。平心而論，環境就唔錯有好多雀籠吊在天花板做裝飾，而且牆上好多舊紙塊廣告，幾特別。