鉄人旨花

营业中

休息中

成日见到朋友去呢间餐厅庆祝，终于戴左屋企人去试，因为见食评个个都叫龙虾餐咁就叫左，再叫强左帝王蟹餐，一开头谂成家人食到好金，不过俾妈妈爸爸食下正野系应份的，每日都好辛苦凑3个bb 。 点知一叫完， 侍应就成只蟹拎黎我地面前俾我地影相，我地都惊讶左，因为我以为个餐得几只脚食，唔知系成只所有部位都煮俾我地食，当堂觉得超级无敌抵！跟住全程师傅都好细心问我地bb们，洗唔洗唔落pepper, 跟住又切细粒d和牛俾bb佢地食， 重要食食下送左3个炖蛋，话送俾小朋友🥹我个女即系japjapjap食哂，食到后尾又再送左桃啫喱俾bb, 我觉得有呢个心意超好，我地个个都好开心。 讲番野食， 我真心觉得全部野都好新鲜好好食， 后尾加左南非鲍鱼，超厚肉地，虽然我啊妈话钟意食刺身多d, 但系烧一烧小朋友又可以试下😅大概系咁，真系有人将成只蟹同龙虾咁煮几款再碟碟靓靓咁分4份， 我觉得个师傅好好，全程好有耐性同我地倾计，食左4个钟，我地一落机疫苗证蓝左既第一晚绝对系物有所值同开心☺️