影片
更多
2022-11-07
963 浏览
LIFETASTIC (希慎广场) (铜锣湾)📍铜锣湾轩尼诗道500号希慎广场3楼326及330-331号舖🤍Weekend 一到就想周围试新嘢！呢一间蛋糕店开到周围都有，见就见得多，每次都只系睇完就走，因为佢嘅价钱真系「相当吸引」。今次终于揾到一个特别嘅派头去买来试试😆🤍我哋买咗四件蛋糕，分别由草莓西瓜蛋糕，荔枝西瓜蛋糕，斑斓芒果克罗米蛋糕，同埋朱古力茉莉茶蛋糕！🧁草莓西瓜同埋荔枝西瓜，中间有一层西瓜馅料，几清甜独特！面头嘅水果啫喱做得好晶莹剔透，味道亦都唔会话好甜，感觉清新！而且卖相精美打卡绝对一流！呢两款蛋糕个饼底系gluten free, 唔知系咪因为咁嘅原因，所以食起上嚟嘅时候一粒粒，同一般嘅蛋糕底好唔同，质感比较粗鞋。如果想试，就要有啲心理准备，因为佢系非一般质感嘅蛋糕底，买之前要好好管理自己嘅预期！🧁最欣赏系斑兰芒果黑糯米蛋糕！面层斑斓忌廉味细滑香浓，味道亦都好真实唔似系平时用咗大量人造色素同埋香精果种！🧁最后就系朱古力茉莉茶蛋糕，朱古力味非常之浓郁，如果钟意Dark Chocolate 嘅朋友应该会大爱, 衬落清幽嘅茉莉茶度出奇匹配！❤️整体来讲四款蛋糕都各有特色，而且食
📍铜锣湾轩尼诗道500号希慎广场3楼326及330-331号舖
🤍Weekend 一到就想周围试新嘢！呢一间蛋糕店开到周围都有，见就见得多，每次都只系睇完就走，因为佢嘅价钱真系「相当吸引」。今次终于揾到一个特别嘅派头去买来试试😆
🤍我哋买咗四件蛋糕，分别由草莓西瓜蛋糕，荔枝西瓜蛋糕，斑斓芒果克罗米蛋糕，同埋朱古力茉莉茶蛋糕！
🧁草莓西瓜同埋荔枝西瓜，中间有一层西瓜馅料，几清甜独特！面头嘅水果啫喱做得好晶莹剔透，味道亦都唔会话好甜，感觉清新！而且卖相精美打卡绝对一流！
呢两款蛋糕个饼底系gluten free, 唔知系咪因为咁嘅原因，所以食起上嚟嘅时候一粒粒，同一般嘅蛋糕底好唔同，质感比较粗鞋。如果想试，就要有啲心理准备，因为佢系非一般质感嘅蛋糕底，买之前要好好管理自己嘅预期！
🧁最欣赏系斑兰芒果黑糯米蛋糕！面层斑斓忌廉味细滑香浓，味道亦都好真实唔似系平时用咗大量人造色素同埋香精果种！
🧁最后就系朱古力茉莉茶蛋糕，朱古力味非常之浓郁，如果钟意Dark Chocolate 嘅朋友应该会大爱, 衬落清幽嘅茉莉茶度出奇匹配！
❤️整体来讲四款蛋糕都各有特色，而且食得出用料十足。职员服务亦都好殷勤！餐厅又有情调好适合 afternoon tea! 只系定价会有啲进取😐
张贴
