影片
更多
2021-11-10
459 浏览
呢间黄埔面店，系拉面关注组一直人气高企，朋友食过都话好食，适逢经过附近就嚟试吓。当日星期日，我哋5:50分左右到，前面有大约6个人排队等紧，原来佢哋营业时间分两轮，分别系12:00-16:00同埋18:00-21:00。里面座位唔多，大概只有6个位左右，所以就算排第一轮，都要等一阵，不过都系等咗二十分钟左右就入到啦。铺头空间比较细，背对背加埋平排坐，会比较窄，唔算坐得好舒服，不过无论系装修，位置同埋灯光都有啲日本街边小面店嘅风味💡。餐牌上嘅选择有几款，第一次嚟，我就拣咗佢哋好出名嘅「鸡白汤拉面」。坐近门口位置，见到佢哋有部面条制造机，原来佢哋呢度嘅面条系自家制造，分别有两种面，一种系粗身，系用嚟做沾面嘅「极太面」；另一种就系用嚟做汤面嘅「细面面条」。两种面条一样会见到一粒粒嘅黑点系上面，系全麦小麦粒，所以同一般嘅面条质地系有啲唔同。🔹鸡白汤拉面($𝟖𝟖)：汤底浓郁又好香鸡汤味，细滑之余，厚薄度刚好，唔会有太漏嘅感觉，饮落几舒服，味道同好几间专做鸡白汤嘅拉面店相比之下系较为温和👍🏻。细面面条唔错，但觉得可以再烟韧小小。至于慢煮叉烧就几出色，分别用咗豚肉同埋鸡肉，两款均煮得啱啱好，鸡肉无粗
里面座位唔多，大概只有6个位左右，所以就算排第一轮，都要等一阵，不过都系等咗二十分钟左右就入到啦。铺头空间比较细，背对背加埋平排坐，会比较窄，唔算坐得好舒服，不过无论系装修，位置同埋灯光都有啲日本街边小面店嘅风味💡。
餐牌上嘅选择有几款，第一次嚟，我就拣咗佢哋好出名嘅「鸡白汤拉面」。
坐近门口位置，见到佢哋有部面条制造机，原来佢哋呢度嘅面条系自家制造，分别有两种面，一种系粗身，系用嚟做沾面嘅「极太面」；另一种就系用嚟做汤面嘅「细面面条」。两种面条一样会见到一粒粒嘅黑点系上面，系全麦小麦粒，所以同一般嘅面条质地系有啲唔同。
🔹鸡白汤拉面($𝟖𝟖)：
汤底浓郁又好香鸡汤味，细滑之余，厚薄度刚好，唔会有太漏嘅感觉，饮落几舒服，味道同好几间专做鸡白汤嘅拉面店相比之下系较为温和👍🏻。细面面条唔错，但觉得可以再烟韧小小。至于慢煮叉烧就几出色，分别用咗豚肉同埋鸡肉，两款均煮得啱啱好，鸡肉无粗糙感，豚肉一大块呈现粉红色，入口嫩滑。配角嘅紫洋葱碎同埋荀丝都系好爽口。而最令我惊喜系只溏心蛋。咬开后橙黄色嘅蛋汁涌出嚟，流心效果一流😍！
鸡白汤拉面
17 浏览
0 赞好
0 留言
鸡白汤拉面 - 溏心蛋
13 浏览
0 赞好
0 留言
食完当晚返去都无咩口渴嘅感觉，所以亦应该无咩味精( ° ͜ʖ° )！
🔹御好烧风味饺子($𝟑𝟔)：
御好烧即系好似大阪烧咁，呢个价钱有六旧算系超值，饺子亦无煎得过脆或过软，大阪烧酱汁本身已经惹味，所以整体嚟讲几好食😝
御好烧风味饺子
16 浏览
0 赞好
0 留言
呢度的确有种日本街边拉面小店嘅味道，但因为铺头里面座位只得几个，可能排队时间预咗的确要等得比较耐。
另外要留意返里面坐嘅位置有个小台阶系高一级，食完落嚟要小心，因为咁啱今次有个人出嚟嘅时候，可能就唔记得咗，仆咗落后面𠮶个人度，见佢都好尴尬，所以一定要特别小心。
价钱方面，风格相近嘅几间拉面店一碗都过百蚊，所以呢度价钱系相当亲民。性价比高，所以都值得一试☺️。
张贴
