八幡屋日本料理 (已結業)

呢日老婆话想食放题，即刻打电话订台，因为<八幡屋日本料理>平日都好多人食，加上重新装潢后推左多款新式美食。每人加$60升级体验任食生蚝、珍宝赤虾刺身、金目鲷、澳洲和牛寿司、日式海胆蒸蛋等等。我最钟意呢度饮品选择多，仲有唔少放题少见的饮品如芦荟汁、忌廉沟鲜奶、梅酒等十几款。而且订座的客人可以有特别优惠六选一食物赠送添，老婆想自己DIY整小丸子，我都系第一次系餐厅自己整野食，几有新意，而且会帮你沟好面粉酱、馅料，自己亲手整的特别好食。我点左唔少刺身，三文鱼、北海道带子、鲍鱼片、希灵鱼、赤目鲷，唔会太厚岩岩好，新鲜好味;而升级体验仲可以食到大大只的珍宝赤虾、口感爽滑的油甘鱼刺身，仲有新鲜生蚝添。我亦好钟意食呢度的寿司，因为饭细细块，上面的刺身大大块，一啖岩岩好。今次的新推出的黑松露新系列非常特别，老婆好钟意食。我就钟意升级体验当中的澳洲和牛寿司，牛味浓郁，仲有黑松露珍珠肝带子、京葱金目錭寿司都非常好味，食左两次!!!熟食方面推介升级体验中果个日式海鲜蒸蛋必食，蛋好滑，内馅丰富，上面大大份的海胆鲜甜。而串烧同炸物都好正，炸鸡软骨香唔会咸，烧牛舌、烧鸡翼非常入味，仲有我第一次食就