影片
更多
2010-04-23
31 浏览
老老实实...第一次有餐厅唔系我自己听/揾番黎...系人都知我懒架啦,去上环食Foodcourt? 唔好玩啦~点知今次系我老细Julie极度诚意推荐,佢话班厨系中环M at the Fringe 出黎开呢档野既,一上open rice睇,虽然开业无耐,不过评价唔错+无负评,终于去试下~由上环A2出口行过去,15分钟唔使我地个位好搞笑,o系渠盖之上,逃生门之前。呢度d野几好食都好,都系一个foodcourt,想浪漫就唔好黎,唔钟意等/赶时间都唔好黎喇~不过上等野食配foodcourt环境,都几迷幻feel~我地叫既系一个平既2人set(好想食贵果个不过预左食唔晒,费事o徙钱),虽然好似个个set d野饮都唔同,不过其实系任拣既,我地要左个橙汁+一杯Sparkling自家制香草包: 一个好憎食包既人咬左啖之后话肯日日都食呢个包,我谂好唔好食唔使再问啦今日既soup of the day 系冻蕃茄汤: 虽然我饮冻汤机会唔多,不过呢个汤真系好好饮,比平时街外饮既好好多倍! 仲要饮完香味系会番o系个口架,美中不足系冻汤唔可以蘸包卡邦尼烟肉意粉: 个sauce好好味,一d都唔会济,而且同烟肉既味道
系人都知我懒架啦,去上环食Foodcourt? 唔好玩啦~
点知今次系我老细Julie极度诚意推荐,佢话班厨系中环M at the Fringe 出黎开呢档野既,一上open rice睇,虽然开业无耐,不过评价唔错+无负评,终于去试下~
由上环A2出口行过去,15分钟唔使
我地个位好搞笑,o系渠盖之上,逃生门之前。
呢度d野几好食都好,都系一个foodcourt,想浪漫就唔好黎,唔钟意等/赶时间都唔好黎喇~
不过上等野食配foodcourt环境,都几迷幻feel~
我地叫既系一个平既2人set(好想食贵果个不过预左食唔晒,费事o徙钱),虽然好似个个set d野饮都唔同,不过其实系任拣既,我地要左个橙汁+一杯Sparkling
自家制香草包: 一个好憎食包既人咬左啖之后话肯日日都食呢个包,我谂好唔好食唔使再问啦
今日既soup of the day 系冻蕃茄汤: 虽然我饮冻汤机会唔多,不过呢个汤真系好好饮,比平时街外饮既好好多倍! 仲要饮完香味系会番o系个口架,美中不足系冻汤唔可以蘸包
卡邦尼烟肉意粉: 个sauce好好味,一d都唔会济,而且同烟肉既味道好match!
蕃茄鸡扒意粉: 呢个比卡邦尼差左少少,虽然都好食,不过由于过份抑制蕃茄既酸味/根本蕃茄唔够靓,有少少难以形容既味道。
压轴上场既系呢度既招牌菜烤乳猪(Roast suckling pig): 我地个set就系呢个同羊架2拣一既,最后拣左呢个招牌菜! 首先唔使用酒楼果d同佢比喇;其次,烤猪系肥不过唔会好油,食落有肉味,不过最后出当然有原因啦,因为食左佢你好难食得落其他野~ (点唔油都系烤猪)
不过食过之后,尤其系好食肉既人,一定会爱上呢旧烤猪!
因为一个理念,就系黎到呢d地方一定要食甜品,所以我地几乎full都叫左一客甜品。
呢客系拖肥布丁! 听到个名漏呀呢~见到个样仲漏! 我地叫果阵完全无谂过系旧咁既野,我开头都以为要自己食晒佢架喇,点知第一啖就咁放旧布丁(?其实唔清楚佢咩黎,总之系实身既,唔系平时既布丁)一放入口,已经好欣赏佢既味道,食落完全同外表唔同,一d都唔漏! 之后再将热辣辣既布丁绊冰冻既云呢拿雪糕,完全系一种极级既享受! OH MY GOD! 即时家燕姐食神入面果样都出埋黎! 最后居然要两个人平分! 成餐饭最好食既野,竟然系最后黎既甜品!!! 亦系呢个甜品,令我地坚决一定会再黎!
讲左咁耐,到底几钱?
2个人,加埋个甜品,唔使加一,比埋tips都系HK$280~ 我讲抵唔抵食就唔够中肯,不过咩好野都食过既同行朋友就话呢间野既质素搬入一个正经既舖位可以收到500蚊,如果搞埋dim灯呢d懒high class既野可以成千蚊!(M at the Fringe真系咁上下价架)
绝对抵食! 大家得闲无事做,绝对值得行去一试,扮下港岛人过番一刻迷幻既高尚生活,不过要记住: 1)最好打去book位, 2) 一定要食甜品呀!
张贴
