小白鷺餐廳 (已結業)

老友同我庆祝牛一, 我身为主角, 梗系将个波留比老友啦~ 由于是晚系星期五, 预计周围都鬼死咁多人, 又要就泊车, 于是佢谂到呢到, 一来book到位, 二来免费泊车, 三来大家都未食过, 好彩都不负所望, 环境唔错不在话, 食物质素都算系咁~曾经有嚟过小白鹭, 但食就冇食过, 而且见电视剧都好钟意嚟呢度取景, 不过由于是次系食夜晚, 所以冇乜景好睇, 而且又多蚊, 所以都冇人选择坐室外走廊位, 个个都坐哂入室内, 其实室内都好靓, 装修得好古老, 而且楼底又高, 所以就算人多都唔觉好嘈, 何况果晚唔系咁多人~睇咗个menu好耐, 但都唔知食乜好? 咁梗系选最抵食的set dinner, 都有成十款选择, 有齐猪、牛、羊、鸡、海鲜, 梗有一款啱心水~  餐包虽然我地叫咗3个餐, 可能待应们见到我地有1个小朋友, 所有送多1份比我地, 总只有4条面包条+4块法国面包, 已经好耐冇试过有餐厅系用面包条, 所以我第一眼见到都有少少兴奋, 即系拎嚟点汤食, 唔驶讲梗系好好食啦~ 而法国包个心好软熟, 个皮又唔会硬到界咀, 都唔错~  餐汤 我地3个都选咗忌廉汤, 果然有眼光, 好香浓好滑