新蒸武門 (已結業)

餐厅叫做新蒸武门，令我谂起我嘅偶像李小龙！果然餐厅师傅真系食过下夜粥！整到好似私房菜咁好食！一坐低就有一杯养生花茶！我哋两个人叫咗个A餐，贪佢乜都有啲，放假唔想用脑！脆皮墨鱼条咬到一粒一粒嘅墨鱼肉好有口感！冰镇鲍鱼鲍鱼超入味！煮得啱啱好，好少何食到咁爽口嘅鲍鱼！虫草花炖猪展汤非常足料，咁多料炖出嚟嘅汤好难唔鲜甜！豉油王虎虾虎虾好大只，豉油王炒够获气！西兰花炒龙趸球龙趸球几新鲜，唔会觉得鯹！虫草花荷叶蒸鸡鸡肉嫩滑，荷叶味好香！金菇蒸豆腐好滑溜嘅豆腐，啱老人家食！蕃茄杂菌蚬肉泡饭足料嘅泡饭，茄味香浓!啲饭好似系炸过，几有口感！观塘又一个新bookmarked食店！两个人食真系大满足！又可以食到唔同款式嘅菜式，推荐二人餐！