高麗韓國餐廳 (已結業)

三个人去点左三份午餐，前菜都系每款一小碟(见人多人少都系咁上下)，三个人一人夹两箸都清晒。食韩烧食过唔少，无论香港定韩国，前菜白饭汤通常都可以添加，呢个都似乎都经已系不成文规定(讲真食得你几多? 俾面先食你)。就问左一个上左年纪既瘦身男侍应可唔可以加d前菜? 佢反问我地: “你估你食自助餐呀！？收你百零二百蚊果d咪任你加啰！”哗! 无得添唔系问题，但个态度劲唔ok。我反驳佢话呢间系我唯一一间前菜无得添既餐厅，佢话咁你咪去果d啰，讲完走左，劲无礼貌! d咁劣质既侍应真系同老细倒米。仲有，食物非常一般，d薄如纸既牛肉真系好难摊平烧，切到咁薄真系极高难度! 我一定唔会再食呢间!