Lulu (已易手) 新餐厅

再次令我体会到宁愿北上，都唔会在港受气地消费。呢间吧系我朋友介绍，亦系我第一次光顾，本应抱住可以知己良朋，痛快畅饮嘅心，但当我就到嘅时候，朋友打俾我问我想饮咩啤酒谂住帮我留定，但在电话中竟然从后传来一把极刺耳嘅声音，好似街边小贩在叫卖地讲：「个个都咁样留酒我哋唔使做生意啦！」𠮶刻立即有股劲㷫嘅热力从我脚底直升到到天灵盖，本想叫我朋友即刻埋单走，但因为约好晒啲朋友唔想走嚟走去，所以算。去到以为高朋满座爆晒场先会有种唔忧做嘅态度，点知原来得𠮶三两枱客，咁嘅格局啱晒去惯自修室嘅客，够晒宁静。其实啲职员如果可以婉转啲、态度好啲咁向我哋讲无得留酒，我哋绝对唔会强人所难，好多地方都唔可以留酒，要知道客人肯回头再次帮衬，最大嘅诱因就系得到尊重，但呢间就⋯⋯⋯⋯完！