隼 (已結業)

闲日晚市入去得两枱客，原来系有原因的。原本系比门口多款丼饭嘅poster吸引入去，点知入去scan QR code睇Menu系见唔到𠮶啲丼饭，墙上嘅poster亦都冇写明系几时供应，问职员先知原来系lunch set，已经失望咗。到散嗌寿司，首先一望个色泽已经唔吸引，而入口系没有鲜味的，个感觉就好似食紧超级市场嘅寿司，友人甚至觉得争鲜都可能好食过佢。到唯一一款晚市可以嗌嘅丼饭，首先个摆盘已经唔吸引，食材上海胆好明显系苦嘅，只虾都系苦嘅，寿司饭嘅醋味系好古怪。我未试过食日本嘢会食唔晒或者饿着咁离开，食呢一间就体验到了。PS到埋单嘅时候行去Cashier，店员挂住玩手机，系另一个职员嗌佢佢先施施然咁抬头收钱。