譽豚博多拉麵屋 (已結業)

听讲个蟹膏饭，超乎想像咁好食，而个鳗鱼饭又十分出色，两样均是每日限量十份 。难得今日放假，就入一转大围试一试，早一个星期就打电话book位，12:30pm，及留定蟹膏饭及鳗鱼饭，以免沽清。12:30准时到达，已经有不小人在门外排队，庆幸已经book 了位。唔点知原来未开门。。。 营业时间系中午12点开始， 体谅自家小店，可能有时多嘢准备，未必准时开到。。。就等啦。。。1:00，仍未开门，有排队人士敲门，打电话希望问一问情况，但都没有回应。。好奇怪1:10，有应该系店主嘅朋友敲门， 有人应门 ，原来店内有人的。。。有排队嘅食客立即询问，点解仲未开门？里面嘅负责人就话今日楼面无返工，所以唔开门。。成件事令人十分气愤，一直有人敲门，一直有人打电话入去，唔应对唔接听，当无嘢，但明知门外有人等候，点解会冇人出嚟解释叫我哋唔好等啦？我哋只系等咗三十分钟，但我唔知第一个排队人等咗几耐。。。绝对失望！ 我谂就算食物几好都好。人嘅质素都会系一个重要元素。