半島漁港/阿翁火鍋館

营业中

休息中

冬至去咗饮茶，下午2:49 ，点咗一碟炒牛河，一笼虾饺，一笼烧卖，等到3:10 ，催咗佢一次，侍应完全冇反应，话只系等咗10几分钟，再等吓，3:12分，烧卖到，等到3:30 ，再问多次，点解虾饺同埋炒河粉未嚟，侍应入厨房睇，出返嚟又话就快到。之后，到3:40 ，忍唔住又问多侍应一次，呢个时候侍应走来，话俾到干炒牛河我哋，但系虾饺因为点心师傅收咗工，已经冇啦，只有最后一个同我哋讲冇虾饺嘅侍应道歉，其他之前两个，一个话我等咗10几分钟好正常，另外一个又冇反应。结帐嘅时候去到收银枱，见到啲侍应系咁闹啲顾客，因为佢哋问关于账单收款嘅问题，可能错并不在于侍应，不过佢哋嘅态度十分恶劣，呼喝顾客，情况实在令人叹为观止。虽然点心手工好，炒河粉都炒得唔错，不过咁嘅服务态度，真系实在令人觉得却步，希望佢哋自己检讨吓，虽然系忙，但系都唔好呼喝顾客。